దుబాయ్‌ మాల్‌లోని ఓ రెస్టారెంట్‌ వెలుపల స్వల్ప అగ్ని ప్రమాదం సంభవించినట్లు దుబాయ్‌ సివిల్‌ డిఫెన్స్‌ వెల్లడించింది. రాత్రి 7.43 నిమిషాల సమయంలో ఓ డెకరేషన్‌ ట్రీ వద్ద అగ్ని ప్రమాదం జరిగినట్లు తమకు సమాచారం అందించిందని సివిల్‌ డిఫెన్స్‌ పేర్కొంది. జబీల్‌ ఫైర్‌ స్టేషన్‌ నుంచి అగ్ని మాపక సిబ్బంది కేవలం ఆరు నిమిషాల్లో సంఘటనా స్థలానికి చేరుకుని, అగ్ని కీలలు వ్యాపించకుండా చర్యలు చేపట్టారు. రెస్టారెంట్‌ సహా సమీప ప్రాంతాన్ని క్షణాల్లో ఖాళీ చేయించారు అధికారులు. ఈ ఘటనలో ఎవరికీ ఎలాంటి గాయాలూ కాలేదు.