‌దోహా: హోం క్వారంటైన్‌ నిబంధనల్ని ఉల్లంఘించిన ముగ్గురు వ్యక్తుల్ని అరెస్ట్‌ చేసినట్లు సంబంధిత అథారిటీస్‌ పేర్కొన్నాయి. కరోనా వ్యాప్తిని అరికట్టే క్రమంలో దేశంలో కఠినంగా ప్రివెన్షన్‌ మెజర్స్‌ని అమలు చేస్తున్నారు. వాటిల్లో హోం క్వారంటైన్‌ అత్యంత ముఖ్యమైనది. కాగా, హోమ్‌ క్వారంటైన్‌ని ఉల్లంఘించినవారిలో అబ్దుల్లా మట్టర్‌ అల్‌ దాబిత్‌ అల్‌ దోసారి, సయీద్‌ అల్‌ సయీద్‌ అల్‌ బాహిహ్‌ అల్‌ మర్రి, రాబర్ట్‌ జాన్‌ ఫ్లోరెస్‌ కాన్‌స్టాంటినో వున్నారు. మినిస్ట్రీ ఆఫ్‌ పబ్లిక్‌ హెల్త్‌ ఆదేశాల మేరకు ప్రతి ఒక్కరూ కరోనా నిబంధనల్ని పాటించాల్సి వుంటుంది. లేనిపక్షంలో కఠిన జరీమానాలు, జైలు శిక్షలు ఎదుర్కోవాల్సి రావొచ్చు.