రియాద్:బ్రాండెడ్ వస్తువులకు నకిలీగా తయారు చేసిన దాదాపు 20 లక్షల వస్తు సామాగ్రిని సౌదీ అరేబియా అధికారులు ధ్వంసం చేశారు. అసలు గూడ్స్ ప్రయోజనాలను, మార్కెట్ ను దెబ్బతీసేలా..వినియోగదారుల ప్రయోజనాలకు భంగం కలిగించే ఎలాంటి చర్యలను ఉపేక్షించబోమని అధికారులు వెల్లడించారు. విమానాలు, సముద్ర రవాణా ద్వారా కింగ్డమ్ పరిధిలోకి వచ్చిన నకిలీ వస్తువులను సౌదీ కస్టమ్స్ అధికారులు స్వాధీనం చేసుకున్నారని, స్వాధీనం చేసుకున్న నకిలీ వస్తువులను ధ్వంసం చేసే బాధ్యతను ప్రత్యేకంగా ఓ కంపెనీకి అప్పగించినట్లు తెలిపారు. ధ్వంసం చేసిన నకిలీ వస్తువుల్లో దుస్తులు, వాహనాల విడి భాగాలు, మొబైల్ యాక్సెసరీస్ ఉన్నాయని వివరించారు.