సౌదీ పబ్లిక్‌ ప్రాసిక్యూషన్‌ 1,500 మందికి పైగా ఖైదీల్ని విడుదల చేసింది. ఆయా వ్యక్తులకు జైలు శిక్షకు సంబంధించి చట్టపరమైన చర్యల్లో వున్న లోపాల నేపథ్యంలో వారిని విడుదల చేయడం జరిగిందని తెలుస్తోంది. జైళ్ళను సందర్శించి, ఎప్పటికప్పుడు పరిస్థితిని సమీక్షించడం జరుగుతుందని పబ్లిక్‌ ప్రాసిక్యూషన్‌ పేర్కొంది. ప్రిజన్‌ ఓవర్‌సైట్‌ డిపార్ట్‌మెంట్‌, అరెస్టయిన వ్యక్తులకు సంబంధించి, లీగాలిటీపై విచారణ చేపడుతుంది. చట్టపరమైన లోపాలుంటే, అలాంటి కేసుల్లో జైలు శిక్ష అనుభవిస్తున్నవారిని విడిచిపెట్టేలా చర్యలు తీసుకుంటుంది. లీగల్‌ సిస్టమ్‌ విషయమై సౌదీ అరేబియా ఇటీవలి కాలంలో చాలా మార్పులు చేపట్టింది.