దళారులు, ఏజెంట్ల ద్వారా అరబ్‌ దేశాలకు వెళ్తున్న కార్మికులు మోసపోతున్నారని తెలంగాణ హోంమంత్రి నాయిని నర్శింహారెడ్డి అన్నారు. నాలుగు రోజుల పర్యటన నిమిత్తం ఈరోజు ఆయన శంషాబాద్‌ విమానాశ్రయం నుంచి దుబాయ్‌ బయలుదేరి వెళ్లారు. దుబాయ్‌లో ప్రముఖ కంపెనీలతో చర్చించి వారికి ఏ తరహా కార్మికులు కావాలో అడిగి తెలుసుకోనున్నారు. తెలంగాణలో టామ్‌కామ్‌ అనే సంస్థ ద్వారా దుబాయ్‌ సంస్థలతో ఎంఓయూ చేసుకోనున్నారు. దీనివల్ల తెలంగాణ కార్మికులు నష్టపోకుండా ప్రభుత్వం చర్యలు తీసుకునే అవకాశం ఉంటుందని నాయిని తెలిపారు.