కువైట్ సిటీ:కువైట్‌ నుంచి దుబాయ్‌కి వెళ్ళే ప్రయాణీకులకు ఇకపై తప్పనిసరి కోవిడ్‌ 19 టెస్ట్‌ అవసరం లేదు. దుబాయ్‌ కమాండ్‌ అండ్‌ కంట్రోల్‌ సెంటర్‌ ఈ మేరకు ఓ ప్రకటన చేసింది. డిసెంబర్‌ 6 నుంచి ఈ విధానం అమల్లోకి వచ్చింది. జిసిసి దేశాల నుంచి వచ్చేవారికి పిసిఆర్‌ టెస్ట్‌ అవసరం లేదని ఈ మేరకు ప్రకటన విడుదల చేయడం జరిగింది. ఈ ట్రావెల్‌ అప్‌డేట్‌ని ఎమిరేట్స్‌ అలాగే ఫ్లై దుబాయ్‌ వెబ్‌సైట్లలో పోస్ట్‌ చేయడం జరిగింది. ప్రయాణీకులు దుబాయ్‌ అంతర్జాతీయ విమానాశ్రయం దగ్గర కోవిడ్‌ టెస్ట్‌ చేయించుకోవచ్చు. కాగా, ఈ వెసులుబాటు ల్యాండ్‌ బోర్డర్ల ద్వారా వచ్చేవారికి వర్తించదు. హట్టా బోర్డర్‌ ద్వారా వచ్చేవారు 96 గంటల ముందుగా తీసుకున్న పీసీఆర్‌ టెస్ట్‌ సర్టిఫికెట్‌ తీసుకురావాల్సి వుంటుంది. కాగా, ప్రయాణీకులు కోవిడ్‌ 19 పాజిటివ్‌ వస్తే, అలాంటివారికి 14 రోజుల క్వారంటైన్‌ తప్పనిసరి.