డాలర్‌తో పోల్చినప్పుడు రూపాయి మారకం విలువ భారీగా పతనమవుతోంది కొన్నాళ్ళుగా. అయితే ఇది కొందరికి ఆనందం కలిగించే విషయం. ఒక బహ్రెయినీ దినార్‌ విలువ 181.74 రూపాయలుగా ఉంది నిన్నటి రోజున. ఈ కారణంగా, స్వదేశానికి డబ్బులు పంపించేవారు చాలా ఉత్సాహంగా కనిపిస్తున్నారు. ఈ పరిస్థితుల్లో స్టాక్‌ మార్కెట్లలో పెట్టుబడులు పెట్టేందుకు ఎవరూ సాహసించడంలేదు. ఫారిన్‌ పోర్ట్‌ఫోల్‌ ఇన్వెస్టర్లు ఇటీవల 9.64 బిలియన్‌ రూపాయల ఈక్విటీలను అమ్మివేయడం జరిగింది. రూపాయి, స్టాక్‌ మార్కెట్‌ పరిస్థితుల్ని చూసి, దినార్స్‌ని రూపాయలుగా మార్చి స్వదేశానికి పంపించడమే మంచిదనే అభిప్రాయానికి వస్తున్నారు. గతంలో ఎన్నడూ లేని విధంగా తాను స్వదేశానికి డబ్బు పంపించినట్లు ఫైజల్‌ మెలకందమ్‌ అనే వ్యక్తి చెప్పారు.