రియాద్‌: సౌదీ అరేబియాలో, వలసదారుల ఎక్స్‌పీరియన్స్‌ సర్టిఫికెట్స్‌ వెరిఫికేషన్‌కి సంబంధించి ఎలాంటి అథారిటీ లేదని డిప్యూటీ మినిస్టర్‌ ఆఫ్‌ హ్యూమన్‌ రిసోర్సెస్‌ అండ్‌ డెవలప్‌మెంట్‌ ఫర్‌ లేబర్‌ ఎఫైర్స్‌ అబ్దుల్‌ మజీద్‌ అల్‌ రష్తౌది స్పష్టం చేశారు. వలసదారులు, వారి వారి దేశాలకు చెందిన డిగ్రీ సర్టిఫికెట్లు, ఎక్స్‌పీరియన్స్‌ సర్టిఫికెట్లను అటెస్టేషన్‌ చేయించుకోవాల్సి వుంటుందనీ, వారి దేశం నుంచి వచ్చాక, ప్రత్యేకంగా సౌదీ కింగ్‌డమ్‌లో ఎలాంటి ప్రత్యేక తనిఖీలు చేసే అథారిటీ ఇక్కడ వుండదని అన్నారు. కొన్ని ప్రొఫెషన్స్‌ ఇంటర్‌ రిలేటెడ్‌ వుంటాయంటూ సేల్స్‌మెన్‌, సెల్స్‌ రిప్రెజెంటేటివ్‌ వంటి విభాగాల గురించి ప్రస్తావించారు. విదేశీయుల పట్ల చూసీ చూడనట్లు వ్యవహరిస్తూ, సౌదీల పట్ల కఠినంగా కొన్ని అథారిటీస్‌ పనిచేస్తున్నాయన్న ప్రచారాన్ని మినిస్టర్‌ కొట్టి పారేశారు.