యునైటెడ్‌ అరబ్‌ ఎమిరేట్స్‌ అలాగే యునైటెడ్‌ కింగ్‌డమ్‌ ఇకపై మరింత అవగాహనతో, ద్వైపాక్షిక బంధాల్ని మరింత బలోపేతం చేసుకోవాలని నిర్ణయించాయి. ఈ మేరకు అబుదాబీ క్రౌన్‌ ప్రిన్స్‌, యూఏఈ ఆర్మ్‌డ్‌ ఫోర్సెస్‌ డిప్యూటీ సుప్రీం కమాండర్‌ షేక్‌ మొహమ్మద్‌ బిన్‌ జాయెద్‌ అల్‌ నహ్యాన్‌ అలాగే బ్రిటన్‌ ప్రధాని బోరిస్‌ జాన్సన్‌ సంయుక్త ప్రకటన చేశారు. ఇన్వెస్ట్‌మెంట్‌, రీసెర్చ్‌ మరియు డెవలప్‌మెంట్‌, వాతావరణ మార్పులు, ఇరు దేశాల ఆర్థిక వ్యవస్థలు వంటి విభాగాల్లో పరస్పర సహకారం దిశగా అడుగులు వేస్తామని ఈ సందర్భంగా ఇరువురు నాయకులు ప్రకటించారు. స్పేస్‌, ఇన్‌ఫ్రాస్ట్రక్చర్‌, ఎడ్యుకేషన్‌, టూరిజం, ఫుడ్‌ సెక్యూరిటీ, ఫైనాన్షియల్‌ మరియు ప్రొఫెషనల్‌ సర్వీసుల్లోనూ కలిసి పనిచేయాలని నిర్ణయించారు.