హైదరాబాద్:హైదరాబాద్‌ శివారులోని సంగారెడ్డి జిల్లా బొల్లారంలో భారీ అగ్నిప్రమాదం సంభవించింది... బొల్లారంలోని ఓ కెమికల్ ఫ్యాక్టరీలో ఒక్కసారిగా మంటలు చెలరేగాయి.. స్థానికంగా ఉన్న వింధ్యా ఆర్గానిక్‌ కంపెనీ పెద్ద శబ్దంతో రియాక్టర్‌ పేలుళ్లు సంభవించినట్టు చెబుతున్నారు.. ఆ తర్వాత మంటలు చెలరేగి కంపెనీ మొత్తం వ్యాపించాయి.. భారీ పేలుడుతో కంపెనీలోని కార్మికులు కకావికలమయ్యారు.. భారీ పేలుళ్లతో షాక్ అయిన కార్మికులు కంపెనీ నుంచి పరుగులు పెట్టారు.. కొందరు గాయాలతో కిందపడి అల్లాడుతున్నట్టుగా చెబుతున్నారు.. గాయాలపాలైన కొందరు కార్మికులను సమీపంలోని ఆస్పత్రికి తరలించగా... కంపెనీలోనే మరికొందరు చిక్కుకున్నట్టు అనుమానం వ్యక్తం చేస్తున్నారు.. ఇక, పేలుళ్లు, మంటలతో ఆ ప్రాంతం మొత్తం దట్టమైన పొగలు కమ్ముకున్నాయి.. దాదాపు కిలోమీటర పరిధిలో పొగ కమ్ముకుపోయింది.. ఈ ఘటనకు సంబంధించిన పూర్తి వివరాలు తెలియాల్సి ఉంది.