బహ్రెయిన్: కోవిడ్‌ వ్యాక్సిన్‌ని కింగ్‌ హమాద్‌ తీసుకున్నారు. ఈ సందర్భంగా బహ్రెయిన్‌ సమాజం, కరోనా వైరస్‌ పట్ల చూపుతున్న అప్రమత్తతను కొనియాడారు కింగ్‌ హమాద్‌. నేషనల్‌ మెడికల్‌ టాస్క్‌ ఫోర్స్‌ ఇచ్చిన సూచనల్ని బహ్రెయిన్‌ సమాజం చక్కగా పాటించిందని కొనియాడారు. బహ్రెయిన్‌లో కరోనా వైరస్‌ అదుపులో వుందంటే, దానికి ప్రజలు పాటించిన భద్రతా ప్రమాణాలే కారణమని అన్నారు. కాగా, కరోనా నేపథ్యంలో ఫ్రంట్‌ లైన్‌ వారియర్స్‌గా వుండి సమాజానికి అత్యద్భుతమైన సేవ చేసిన వైద్య విభాగాల్లో పనిచేస్తోన్న అందరికీ ప్రత్యేక కృతజ్ఞతలు తెలిపారు కింగ్‌ హమాద్‌.