రియాద్‌:మక్కా పోలీస్‌ ఇద్దరు యువకుల్ని అరెస్ట్‌ చేయడం జరిగింది. నిందితుల్లో ఒకరు మెషీన్‌గన్‌ని గాల్లోకి పేల్చుతూ కన్పించగా, దాన్ని ఇంకో వ్యక్తి చిత్రీకరించాడు. ఈ వీడియో సోషల్‌ మీడియాలో దర్శనమివ్వగా, దాని ఆధారంగా ఇద్దరినీ అరెస్ట్‌ చేసినట్లు అధికారులు తెలిపారు. ఈ మేరకు మక్కా రీజియన్‌ పోలీస్‌ అధికార ప్రతినిథి బ్రిగేడియర్‌ మొహమ్మద్‌ అల్‌ ఘామ్ది ఓ ప్రకటన విడుదల చేశారు. నిందితులపై చట్టపరమైన చర్యలు తీసుకుంటామని ఆయన వివరించారు.