దుబాయ్:12 గంటల మెగా సేల్‌ శనివారం, డిసెంబర్‌ 26న ప్రారంభమయ్యింది. ఉదయం 10 గంటల నుంచి రాత్రి 10 గంటల వరకు దుబాయ్‌లోని ప్రముఖ షాపింగ్‌ మాల్స్‌లో దుబాయ్‌ షాపింగ్‌ ఫెస్టివల్స్‌లో భాగంగా సేల్స్‌ వుంటాయి. ఈ ఏడాదికి సంబంధించి ఇదే సూపర్‌ సేల్‌. 90 శాతం వరకు డిస్కౌంట్లతో ప్రముఖ బ్రాండ్లు ఇక్కడ అందుబాటులో వుంటాయి. మాజిద్‌ అల్‌ ఫుత్తైమ్‌ మాల్‌ దీన్ని నిర్వహిస్తోంది. కనీసం 25 శాతం, గరిష్టంగా 90 శాతం డిస్కౌంట్లు అందించనున్నట్లు నిర్వాహకులు తెలిపారు. మాల్‌ ఆఫ్‌ ఎమిరేట్స్‌, సిటీ సెంటర్‌ మిర్దిఫ్‌, సిటీ సెంటర్‌ డేరా, సిటీ సెంటర్‌ మైసమ్‌, మై సిటీ సెంటర్‌ అల్‌ బర్షాన్‌ అలాగే సిటీ సెంటర్‌ అల్‌ షిందగలో ఈ సేల్‌ వర్తిస్తుంది. ఫ్యాషన్‌ లైన్స్‌, ఎలక్ట్రానిక్స్‌, కిడ్స్‌ వేర్‌లో ఈ డిస్కౌంట్స్‌ వుంటాయి. కాగా, 26వ ఎడిషన్‌ ఫెస్టివల్‌ జనవరి 30 వరకు కొనసాగుతుంది.