మస్కట్:మస్కట్ పరిధిలో కోవిడ్ 19 వాక్సినేషన్ ఏయే కేంద్రాల్లో, ఏయే సమయాల్లో వేయనున్నారో ఒమన్ ప్రభుత్వం ప్రకటించింది. సీబ్, బౌషర్ స్పెషలైజ్డ్ పాలిక్లినిక్ కేంద్రాల్లో సెలవు రోజుల్లో మినహా తక్కిన అన్ని రోజుల్లో ఉదయం 7.30 గంటల నుంచి రాత్రి 8 గంటల వరకు వాక్సినేషన్ ఉంటుంది. ఇక సెలవు రోజుల్లో మాత్రం ఉదయం 9.30 గంటల నుంచి మధ్యాహ్నం 3.30 గంటల వరకు వ్యాక్సిన్ ఇస్తారు. ఇక ఖురియత్ పాలిక్లినిక్ లో మాత్రం ఆదివారం నుంచి గురువారం వరకు ఉదయం 7.30 నుంచి మధ్యాహ్నం 2.30 వరకు వ్యాక్సినేషన్ ఉంటుందని ఆరోగ్య శాఖ తమ అధికారిక ట్విట్టర్ లో వెల్లడించింది. వ్యాక్సినేషన్ లో రిస్క్ ఎక్కువగా వర్గాలకు అధిక ప్రాధాన్యత ఇవ్వనున్నారు. 

--లెనిన్ కుమార్(మాగల్ఫ్ ప్రతినిధి,ఒమన్)