'సెలబ్‌ కాన్‌ మెన్‌' అనే కొత్త ఆన్‌లైన్‌ మోసం వెలుగులోకి వస్తోంది. ప్రముఖుల పేర్లతో ఆన్‌లైన్‌ వేదికగా ఈ మోసాలు జరుగుతున్నాయని షార్జా పోలీసులు గుర్తించారు. విదేశాలకు వెళ్ళి, కొన్ని ప్రత్యేక పరిస్థితుల్లో ఇరుక్కుని ఇబ్బందులు పడుతున్నామనీ, తమకు ఆర్థిక సహాయం చేస్తే, స్వదేశానికి రాగానే డబ్బులు తిరిగిచ్చేస్తామని ప్రముఖుల పేర్లతో ఆన్‌లైన్‌లో కొందరు మోసాలకు పాల్పడుతున్నారు. ఇలాంటివారి నుంచి ఫ్రాడ్‌ మెసేజ్‌లు లేదా మెయిల్స్‌ వచ్చినప్పుడు అప్రమత్తంగా ఉండాలని షార్జా పోలీసులు హెచ్చరించారు. ఏదోలా పరిచయాలు ముందే పెంచుకుని, వాటిని ఆన్‌లైన్‌ మోసాలకు వినియోగించుకుంటున్న సందర్భాలూ చూస్తున్నామని ప్రజలు అప్రమత్తంగా ఉండి, అనుమానం వస్తే పోలీసులకు సమాచారం అందించాలని షార్జా పోలీసులు సూచించారు.