హైదరాబాద్:తెలంగాణలో కరోనా కేసులు క్రమంగా తగ్గుముఖం పడుతున్నాయి.  నిన్నటి రోజున 400 లకు పైగా కేసులు నమోదు కాగా, ఈరోజు ఆ సంఖ్య భారీగా తగ్గింది.  ఈరోజు రిలీజ్ చేసిన కరోనా బులెటిన్ ప్రకారం తెలంగాణలో కొత్తగా 293 కరోనా కేసులు నమోదయ్యాయి.  దీంతో తెలంగాణలో నమోదైన మొత్తం కేసుల సంఖ్య 2,87,108 కి చేరింది.  ఇందులో 2,79,991 మంది కోలుకొని డిశ్చార్జ్ కాగా, 5571 కేసులు యాక్టివ్ గా ఉన్నాయి.  ఇక గడిచిన 24 గంటల్లో తెలంగాణలో కరోనాతో ఇద్దరు మృతి చెందారు.  దీంతో రాష్ట్రంలో కరోనాతో మృతి చెందినవారి సంఖ్య 1546కి చేరింది. 

--హరి(మాగల్ఫ్ ప్రతినిధి,తెలంగాణ)