మస్కట్:ఒమాన్ నుంచి తమ దేశానికి వచ్చే ప్రయాణికులు ఇకపై క్వారంటైన్ లో ఉండాల్సిన అవసరం లేదని యూఏఈ స్పష్టం చేసింది. ఆయా దేశాల్లో వైరస్ తీవ్రత, వైరస్ వ్యాప్తి నియంత్రణకు తీసుకుంటున్న చర్యల ఆధారంగా యూఏఈ గ్రీన్ లిస్ట్ దేశాల జాబితా సిద్ధం చేసుకుంది. గ్రీన్ లిస్టులో ఉన్న దేశాల నుంచి వచ్చే వారికి క్వారంటైన్ నిబంధనలు వర్తించవని వెల్లడించింది. యూఏఈ అప్ డేట్ చేసిన గ్రీన్ లిస్ట్ దేశాల జాబితాలో ఒమాన్, కువైట్ తో పాటు సౌదీ అరేబియా ఉన్నాయి. అలాగే బ్రూనై, చైనా, హాంకాంగ్, ఐల్ ఆఫ్ మ్యాన్, మకావు, మారిషస్, మంగోలియా, సెయింట్ కిట్స్ , నెవిస్, న్యూ కాలెడోనియా, న్యూజిలాండ్, రిపబ్లిక్ ఆఫ్ సావో టోమ్ అండ్ ప్రిన్సిపీ, తైపీ, థాయిలాండ్ ను కూడా గ్రీన్ లిస్టులో చేర్చింది యూఏఈ. మారుతున్న పరిణామాలు, వైరస్ తీవ్రతను బట్టి ఈ జాబితాలో సవరణలు చేస్తామని యూఏఈ యంత్రాంగం స్పష్టం చేసింది.