యూఏఈ: తమకు వ్యతిరేకంగా ఖతార్ నమోదు చేసిన కేసులు అన్నింటిని రద్దు చేసినట్లు యూఏఈ విదేశాంగ మంత్రిత్వ శాఖ వెల్లడించింది. జీసీసీ సభ్య దేశాలతో ఇటీవలె దౌత్య సంబంధాలను పునరుద్ధరించుకున్న నేపథ్యంలో ఖతార్ ఈ మేరకు నిర్ణయం తీసుకున్నట్లు వివరించారు. ఇరు దేశాల సయోధ్యతో మెలుగుతున్న పరిస్థితుల్లో కేసుల రద్దు అంశం సహజమేనని.. అంతేకాక, ఆ కేసుల నమోదు వల్ల ఇరు దేశాలకు పెద్దగా ఒరిగేదేమి లేదని కూడా అభిప్రాయపడింది. ఇక దౌత్య పరమైన అంశాల్లో జీసీసీ మరింత సమర్ధవంతంగా నిర్వహించగలదని యూఏఈ విదేశాంగ మంత్రిత్వ శాఖ వెల్లడించింది.