కువైట్ సిటీ:సిక్ లీవ్ లను డాక్టర్ల సిఫార్సుకు బదులు స్వయంగా తయారు చేసి విక్రయిస్తున్న నలుగురు సభ్యుల ముఠా గుట్టు రట్టు అయ్యింది. నిందితులు కువైట్ ఆరోగ్య శాఖలో డేటా ఆపరేటర్లుగా విధులు నిర్వహిస్తున్నట్లు అధికారులు వెల్లడించారు. ముఠాలో ముగ్గురు ఉద్యోగులను ఇప్పటికే అదుపులోకి తీసుకోగా..మరొకరు పరారీలో ఉన్నారు. పరారీలో ఉన్న నిందితుడి పట్టుకునేందుకు చర్యలు చేపట్టారు. పట్టుబడిన ముగ్గురు నిందితుల్లో ఇద్దరు కువైటీయన్లు. డేటా ఆపరేటర్లుగా విధులు నిర్వహిస్తున్న ఇద్దరు మహిళా ఉద్యోగులు...డాక్టర్ రిపోర్ట్ కు బదులు తామే స్వయంగా సిక్ లీవ్ సర్టిఫికెట్లను సిద్ధం చేసినట్లు..మూడో వ్యక్తి స్టాప్ వేసినట్లు అధికారులు గుర్తించారు. ఫోర్జరీ రిపోర్ట్స్ అదాన్ ఆస్పత్రి కి చెందిన డాక్టర్ పేరుతో 2017 సీల్ వేసినట్లు నిర్ధారణ అయ్యింది. ఇక నాలుగో వ్యక్తి సర్టిఫికెట్లను అమ్ముతున్నట్లు అధికారులు వెల్లడించారు.