హైదరాబాద్:పవర్ స్టార్ ప‌వ‌న్ క‌ళ్యాణ్ హీరోగా, వేణు శ్రీరామ్ దర్శకత్వంలో తెర‌కెక్కించిన చిత్రం వ‌కీల్ సాబ్. సంక్రాంతి కానుక‌గా చిత్రం నుండి టీజ‌ర్ వ‌స్తుందేమోన‌ని ఆశ‌గా ఎదురు చూస్తున్న అభిమానుల‌కు బూస్ట్ ఇచ్చే అప్డేట్ ఇచ్చింది. జనవరి 14న సాయంత్రం 6 గంటల 03 నిమిషాలకు టీజర్ రిలీజ్ చేస్తున్నట్లుగా చిత్రబృందం పోస్టర్ ను రిలీజ్ చేసింది. ఇన్ని రోజులు లీక్ ఫొటోలతో తెగ సంబరపడ్డ పవన్ అభిమానులు.. సంక్రాంతి రోజున వకీల్ సాబ్ టీజర్ తో పండగ జరుపుకోనున్నారు. అయితే ‘వకీల్ సాబ్’ నుంచి కొంతకాలంగా ఎలాంటి అప్‌డేట్ లేకపోవడంతో మెగా అభిమానులు నిరాశచెందారు. 2020లో ట్విట్టర్‌లో ‘వకీల్ సాబ్’ హ్యాష్‌ట్యాగ్ ట్రెండ్ అయిన దాని బట్టి ఈ సినిమా టీజర్ కోసం అభిమానులు ఎంత ఆసక్తిగా ఎదురు చూస్తున్నారో తెలుస్తోంది.