కింగ్‌ హమాద్‌ బిన్‌ ఇసా అల్‌ ఖలీఫా, పబ్లిక్‌ మనీకి భద్రత కల్పించడం అలాగే రేషనలైజింగ్‌ స్పెండింగ్‌పై పర్యవేక్షణ అత్యవసరమని అభిప్రాయపడ్డారు. నేషనల్‌ ఆడిట్‌ ఆఫీస్‌ (ఎన్‌ఏఓ) ప్రెసిడెంట్‌ హసాన్‌ బిన్‌ ఖలీఫా అల్‌ జలహామా, కింగ్‌ హమాద్‌కి అల్‌ సఫ్రియా ప్యాలెస్‌లో స్వాగతం పలికారు. 2015 సంవత్సరానికిగాను ఎన్‌ఏవో రిపోర్ట్‌ను ఈ సందర్భంగా హసన్‌ ప్రవేశపెట్టారు. పబ్లిక్‌ మనీకి భద్రత కల్పించేందుకు తీసుకుంటున్న చర్యలను, ఎన్‌ఏఓ విశ్వసనీయత విషయంలో పాటిస్తున్న ఉన్నత విలువల్ని ఈ సందర్భంగా కింగ్‌ హమాద్‌ కొనియాడారు. దేశ ప్రగతిలో భాగంగా ప్రతి విభాగం అత్యున్నతంగా పనిచేస్తుందని, ఇంకా సమర్థవంతంగా ఆర్థిక సంబంధిత వ్యవహారాలను చక్కబెట్టే అవకాశం ఉందని, దీనికి కింగ్‌ హమాద్‌, వివిధ మంత్రులు అందిస్తున్న సహకారం మరువలేనిదని అల్‌ జలహామా చెప్పారు.