కువైట్ సిటీ:కోవిడ్ 19 వ్యాక్సిన్ను ఉచితంగా పొందాలనుకుంటున్న వారు ఖచ్చితంగా ముందస్తుగా రిజిస్టర్ చేసుకోవాలని కువైట్ ఆరోగ్య శాఖ వెల్లడించింది. గత గురువారం కువైట్ ప్రధానితో పాటు ఇతర మంత్రుల సమక్షంలో వ్యాక్సినేషన్ ప్రక్రియ ప్రారంభించారు. కోవిడ్ వ్యాక్సిన్ దేశానికి చేరుకోక ముందే కువైట్ పెద్ద ఎత్తున ప్రచారం చేసిన విషయం తెలిసిందే. దీంతో పౌరులు, ప్రవాసీయుల నుంచి పెద్ద ఎత్తున స్పందన వచ్చిందని అధికారులు వెల్లడించారు. వ్యాక్సిన్ పంపిణి పారదర్శకంగా జరుగుతోందని...వ్యాక్సిన్ కోసం స్వచ్ఛదంగా ముందుకు వచ్చే వాళ్లు ముందస్తుగా రిజిస్టర్ చేసుకోవాలన్న అధికారులు.. https://cov19vaccine.moh.gov.kw/SPCMS/CVD_19_Vaccine_RegistrationAr.aspx లింక్ ద్వారా రిజిస్టర్ చేసుకోవాలన్నారు.