షార్జా నుంచి దోహా వరకు విమాన సర్వీసులను మళ్లీ ప్రారంభిస్తున్నట్లు యూఏఈ లో కాస్ట్ ఎయిర్ లైన్స్ ఎయిర్ అరేబియా ప్రకటించింది. ఇక నుంచి ప్రతి రోజు షార్జా నుంచి దోహాకు విమాన సర్వీసులు ప్రయాణికులకు అందుబాటులో ఉంటాయని వెల్లడించింది. ఎయిర్ అరేబియా అధికారిక వెబ్ సైట్ తో పాటు కాల్ సెంటర్, ట్రావెల్ ఏజెంట్ల ద్వారా టికెట్లను బుక్ చేసుకోవచ్చని వివరించింది. అంతేకాదు తమ సంస్థ విమానాల్లో ప్రయాణించే వారి ఆరోగ్య భద్రత కోసం తాము అన్ని జాగ్రత్త ప్రమాణాలు పాటిస్తున్నట్లు కూడా ఎయిర్ అరేబియా వెల్లడించింది. ప్రయాణికులకు కోవిడ్ 19 ఇన్సూరెన్స్ కూడా కల్పిస్తున్నామని తెలిపింది. టికెట్లు బుక్ చేసుకున్న వివరాలతోనే ప్రయాణికులకు బీమా కల్పిస్తున్నామని, అదనంగా ఒక్క పైసా కూడా ఛార్జ్ చేయటం లేదని పేర్కొంది.