కువైట్ సిటీ:దేశంలోని భారతీయ క్రీడాకారులను, క్రీడలను ఇష్టపడేవారిని, స్పోర్ట్స్ అసోసియేషన్ లను ఏకతాటిపైకి తెచ్చేందుకు కువైట్లోని ఇండియన్ ఎంబసీ ఇండియన్ స్పోర్ట్స్ నెట్వర్క్-ISNను ప్రారంభించింది. కువైట్లో ఉంటున్న భారతీయ క్రీడాకారులను ప్రొత్సహించేందుకు, వారిని ఐక్యం చేసేందుకు ఐఎస్ఎన్ ఎంతగానో దోహదపడుతుందని ఎంబసీ అధికారులు అభిప్రాయపడ్డారు. క్రీడా సంబంధిత వ్యక్తులకు ఇది ఓ మంచి వేదికగా మారుతుందని, అలాగే ఇప్పటికే క్రీడా సంస్థల బలోపేతానికి కృషి చేయవచ్చని తెలిపింది. అందుకే కువైట్లోని భారతీయ క్రీడాకారులు, క్రీడా సంస్థలు https://forms.gle/81pdWSAbyZTHveVY6 లింక్ ద్వారా తమ వివరాలను నమోదు చేసుకొని అంతా ఒకే వేదిక మీదకు వచ్చేందుకు సహకరించాలని ఎంబసీ అధికారులు కోరారు. ఇండియన్ స్పోర్ట్స్ నెట్వర్క్ కు అనుబంధంగా ట్వీటర్ అకౌంట్ ను కూడా ప్రారంభించామని...@Indian_ISN ట్విటర్ అకౌంట్ ద్వారా స్పోర్ట్స్ రిలేటెడ్ వివరాలను షేర్ చేసుకోవచ్చని వివరించింది. ఐఎస్ఎన్ కు సంబంధించి మరిన్ని వివరాలు, రిజిస్ట్రేషన్ డ్రైవ్ ఇన్ఫర్మేషన్ కోసం [email protected]కు మెయిల్ చేయవచ్చని ఇండియన్ ఎంబసీ పేర్కొంది.