యూఏఈలో తాత్కాలికంగా డెంటల్ మరియు కాస్మొటిక్ సర్జరీలను నిలిపివేయాల్సిందిగా మినిస్ట్రీ ఆఫ్ హెల్త్ అండ్ ప్రివెన్షన్ ఆదేశాలు జారీ చేసింది. షార్జా, అజ్మన్, రస్ అల్ ఖైమా, ఉమ్ అల్ కువైన్ మరియు ఫుజైరః లోని హెల్త్ ఫెసిలిటీస్‌కి ఈ ఆదేశాలు వర్తిస్తాయి. జనరల్ అనస్తీషియా, బ్లడ్ ట్రాన్స్‌ఫ్యుజన్ వంటివి అవసరమైన సర్జరీలను ఆయా ఫెసిలిటీస్ నిలిపివేయాల్సి వుంటుంది. హెయిర్ రిమూవల్, బొటాక్స్, ఫిల్లర్స్ మరియు ఫేస్ లిఫ్ట్ అలాగే హెయిర్ ట్రాన్స్‌ప్లాంటేషన్ వంటివి ఆపేయాల్సి వస్తుంది. తుమ్ములు, దగ్గులు, జలుబు వంటి రెస్పిరేటరీ సమస్యలతో బాధపడుతున్నవారికి సంబంధించిన డెంటల్ సేవల్ని వాయిదా వేయక తప్పదు. కప్పింగ్ మరియు ఫిజియోథెరపీ వంటి సేవల్ని కూడా వాయిదా వేయాల్సి వుంటుందని సర్కులర్‌లో పేర్కొన్నారు.