కువైట్ సిటీ:వలసదారుల సివిల్ ఐడీ కార్డులను రద్దు చేసి, కేవలం పౌరులకు మాత్రమే కొనసాగించేలా అధికారిక వర్గాలు నిర్ణయం తీసుకోబోతున్నాయంటూ సోషల్ మీడియాలో జరుగుతున్న దుష్ప్రచారాన్ని సంబంధిత వర్గాలు ఖండించాయి. ఈ మేరకు పిఎసిఐ ఓ ప్రకటన విడుదల చేసింది. ఆర్టికల్ 14, చట్టం నెంబర్ 32 ఆఫ్ 1982 ప్రకారం కువైటీలకు, నాన్ కువైటీలకు సివిల్ ఐడీలను జారీ చేయడం జరుగుతోందని పిఎసిఐ పేర్కొంది. సివిల్ ఇన్ఫర్మేషన్ సిస్టమ్‌లో రిజిస్టర్ చేసుకున్న ప్రతి ఒక్కరికీ ఐడీ కార్డులను జారీ చేస్తున్నారు. ఆయా వ్యక్తుల ఐడెంటిటీగా దీన్ని ఉపయోగిస్తున్న సంగతి తెలిసినదే.