మస్కట్:కోవిడ్ ఎఫెక్ట్ షాపింగ్ మాల్స్, ఇతర షోరూంలు ప్రకటించే డిస్కౌంట్లు, ఆఫర్లపై కూడా ప్రభావం చూపుతోంది. ఇక నుంచి ఎవరూ ఆఫర్లు, డిస్కౌంట్లు ప్రకటించే అనుమతుల కోసం తమకు వినతులు పంపించొద్దంటూ ఒమన్ నిర్ణయించింది. ఈ మేరకు వినతుల స్వీకరణను నిలిపివేస్తున్నట్లు పరిశ్రమలు, వాణిజ్య, పెట్టుబడి ప్రొత్సహాకాల మంత్రిత్వ శాఖ ప్రకటించింది. కోవిడ్ వ్యాప్తి నియంత్రణ కోసం ఏర్పాటైన సుప్రీం కమిటీ నిర్ణయం మేరకే వినతుల స్వీకరణను నిలిపివేస్తున్నట్లు వెల్లడించింది. ప్రజలు భౌతిక దూరాన్ని పాటించే లక్ష్యంగా ఇప్పటికే ఈవెంట్లు, ఎగ్జిబిషన్లను రద్దు చేసిన విషయం తెలిసిందే. దీనికి కొనసాగింపుగానే షాపింగ్ మాల్స్, షోరూంలలో వినియోగదారుల సంఖ్యను కుదించాలన్న ఉద్దేశంతో డిస్కౌంట్లు, ఆఫర్లు ప్రకటించేందుకు సుప్రీం కమిటీ నిర్ణయించింది. తదుపరి నోటీసులు వచ్చే వరకు ఈ నిర్ణయం అమలులో ఉంటుంది.