మస్కట్:ఉద్యోగం మారాలనుకునే వలస కార్మికులకు ఒమన్ ప్రభుత్వం ఊరట కలిగించే ప్రకటన చేసింది. ఇక నుంచి తాము పని చేసే యాజమానులు, సంస్థ యాజమాన్యాల అనుమతి లేకుండా, నో అబ్జెక్షన్ సర్టిఫికెట్ అవసరం లేకుండానే వేరే ఉద్యోగాలలో జాయిన్ అవ్వొచ్చు. అయితే..యాజమాని, సంస్థ యాజమాన్యంతో వలస కార్మికులు కుదర్చుకున్న కాంట్రాక్ట్ ఒప్పందం ముగిసిన తర్వాత కొత్త ఉద్యోగంలో చేరేందుకు అవకాశం ఉంటుంది. ఈ మేరకు విదేశీయుల రెసిడెన్సీ చట్టంలో కీలక సవరణలు చేసింది. NOC నిబంధనతో ప్రస్తుతం పని చేస్తున్న చోటు నుంచి కొత్త ఉద్యోగంలోకి మారే అవకాశాలు లేక...పాత యజమాని దగ్గర ఉద్యోగంలో కొనసాగలేక వలస కార్మికులు దేశం విడిచి వెళ్తుండటంపై ఒమన్ దృష్టి సారించింది. ప్రస్తుతం  ప్రభుత్వం చేసిన చట్ట సమవరణతో ఇక నుంచి దేశం విడిచి వెళ్లే వలస కార్మికుల సంఖ్య తగ్గుతుందని అంచనా వేస్తోంది. అలాగే స్థానికులు, వలస కార్మికులకు మధ్య వేతనాల్లో అంతరం కూడా కొద్దిమేర తగ్గేందుకు అవకాశాలు ఉన్నాయని అభిప్రాయం వ్యక్తం చేసింది.