ప్రపంచ వ్యాప్తంగా సెల్ ఫోన్ల హవా నడుస్తున్న ప్రస్తుత జమానాలోనూ ఒమన్ సంప్రాదాయక ల్యాండ్ లైన్ ఫోన్ల వైపే మొగ్గు చూపుతోంది. మొబైల్ శకం మొదలనాటి నుంచి ల్యాండ్ లైన్ ఫోన్ల ప్రాభవం తగ్గుతూ వస్తున్న విషయం తెలిసిందే. కానీ, ఒమన్ ప్రజలు మాత్రం సెల్ ఫోన్లతో పాటు ల్యాండ్ లైన్ వైపు కూడా మొగ్గుచూపుతున్నారు. గతేడాది డిసెంబర్ నాటికి ఒమన్ లో ల్యాండ్ లైన్ కనెక్షన్లు 5 లక్షల మార్క్ దాటి 5,95,550 కనెక్షన్లకు చేరుకున్నట్లు జాతీయ గణాంకాలు, సమాచార విభాగం ప్రకటించింది. ఇక ఫిక్స్ డ్ ఇంటర్నెట్ కనెక్షన్లు కూడా 2020లో 7.5 శాతం పెరిగి 5.10 లక్షలకు చేరుకున్నట్లు వివరించింది. అయితే..మొబైల్ వనియోగదారుల సంఖ్య గతేడాది డిసెంబర్ నాటికి 62,76,535కి చేరుకున్నా...అంతకుముందు ఏడాదితో పోలిస్తే వినియోగదారుల సంఖ్య 1.7 శాతం తగ్గటం గమనార్హం.