ముంబై: బాలీవుడ్ సీనియర్ నటుడు, దివంగత రాజ్‌కపూర్ తనయుడు, రిషీకపూర్ సోదరుడు రాజీవ్ కపూర్ గుండెపోటుతో మంగళవారంనాడు కన్నుమూశారు. ఆయన వయస్సు 58 సంవత్సరాలు. రాజీవ్ కపూర్ కన్నుమూసిన విషయాన్ని రిషీకపూర్ భార్య నీతూ కపూర్ 'ఇన్‌స్టాగ్రామ్' పోస్టులో ధ్రువీకరించారు. రిషీకపూర్ గత ఏడాదే క్యాన్సర్‌తో పోరాడుతూ కన్నుమూశారు.

'ఏక్ జాన్ హై హమ్' (1983) చిత్రంతో నటుడిగా పరిశ్రమలోకి అడుగుపెట్టిన రాజీవ్ కపూర్.. తన తండ్రి రాజ్‌కపూర్ చివరిసారిగా దర్శకత్వం వహించిన 'రామ్ తేరీ గంగా మైలి' చిత్రంలోనూ నటించారు. అనంతరం 'ఆస్మాన్', 'లవర్ బాయ్', 'జబర్దస్త్', 'హమ్ తో చలే పరదేశ్' వంటి చిత్రల్లోనూ నటుడిగా మంచిపేరు తెచ్చుకున్నారు. 1991లో రిషీకపూర్‌తో కలిసి 'హెన్నా' చిత్రాన్ని నిర్మించారు. రిషికపూర్, మాధురీ దీక్షిత్ నటించిన 'ప్రేమ్‌గ్రంథ్' చిత్రానికి దర్శకత్వం వహించారు. అక్షయ్ కుమార్, ఐశ్వర్యారాయ్ జంటగా నటించిన 'ఆ అబ్ లౌట్ చలే' చిత్రాన్ని రాజీవ్ కపూర్ నిర్మించగా, రిషీ కపూర్ దర్శకత్వం వహించారు.