హైదరాబాద్:టాలీవుడ్ యంగ్ హీరో శర్వానంద్, సిద్ధార్థ్ నటిస్తున్న మల్టీస్టారర్ సినిమా ‘మహా సముద్రం’. ఈ సినిమాను ఆర్ ఎక్స్ 100 ఫేం అజయ్ భూపతి తెరకెక్కిస్తున్నారు.ఇందులో అదితి రావు హైదరీ, అను ఇమ్మాన్యుయేల్ హీరోయిన్లుగా నటిస్తున్నారు.ఇప్పటికే విడుదలైన ఈ మూవీ పోస్టర్లకు మంచి స్పందన లభించింది.ఈ సినిమా జగపతి బాబు కీలక పాత్రలో నటిస్తున్నాడు. ఈరోజు ఆయన పుట్టిన రోజు సందర్భంగా ఈ సినిమాలోని ఫస్ట్ లుక్ పోస్టర్‏ను విడుదల చేసింది చిత్రయూనిట్.

తాజాగా విడుదల చేసిన స్పెషల్ పోస్టర్లో జగపతి బాబు ఊర మాస్ లుక్కులో కనిపిస్తున్నారు.ఈ చిత్రంలో ఆయన చుంచు మామగా కనిపించనున్నట్లుగా చిత్రయూనిట్ పేర్కోంది.ఇక జగపతి బాబు పోస్టర్ విషయానికోస్తే.. ఫుల్ రఫ్ లుక్‏తో జగ్గుభాయ్ కన్పిస్తున్నారు. పోస్టర్ చూస్తుంటే.. ఇందులో ఆయన నెగిటివ్ పాత్ర పోషిస్తున్నట్లుగా అర్థమవుతుంది.ఇక ఈ సినిమాతో సిద్ధార్థ్ మళ్లీ తెలుగులో నటిస్తున్నాడు.