అబుధాబి:ఎంపిక చేసిన నిర్దేశిత వర్గాల ప్రజలకు కోవిడ్ టెస్టు ప్రక్రియలో మార్పులు చేసింది అబుధాబి ఆరోగ్య శాఖ. ప్రధానంగా నాలుగు వర్గాల ప్రజలకు పీసీఆర్ టెస్టుకు ప్రత్యామ్నాయంగా లాలజల నమూనాల సేకరణ ద్వారా కోవిడ్ పరీక్షలను నిర్వహించాలని ఆదేశించింది. 12 ఏళ్లలోపు పిల్లలకు, ఆస్పత్రిలో చికిత్స పొందుతున్నవారికి, ఇప్పటికే కోవిడ్ వ్యాక్సిన్ తీసుకున్న వారికి, ముసలివాళ్లకు కోవిడ్ నిర్ధారణ పరీక్ష కోసం లాలజల నమూనాలను సేకరించాలని పేర్కొంది. ముక్కు నుంచి నమూనాల సేకరణ కంటే..లాలజల నమూన సేకరణ సునాయసమని, అంతేకాకుండా కోవిడ్ ను ముందస్తుగా గుర్తించటంలోనూ మరింత ఖచ్చితంగా నిర్ధఠారించటంలోనూ లాలజల నమూనాతో కోవిడ్ పరీక్ష నిర్వహించటం ఉత్తమ మార్గమని అబుధాబి ఆరోగ్య శాఖ వివరించింది.