కువైట్ సిటీ:ఇద్దరు మెయిడ్స్ తమ స్పాన్సర్స్ ఇంటిలో దుర్మరణం పాలయ్యారు. సబాహ్ అల్ నాజర్ ప్రాంతంలో ఈ దుర్ఘటన చోటు చేసుకుంది. మృతుల్లో ఒకరు ఫిలిప్పీన్‌కి చెందిన వ్యక్తి కాగా, మరొకరు శ్రీలంకకు చెందినవారు. మూసివేసి వున్న గదిలో బొగ్గుల కుంపటి కారణంగా వచ్చిన పొగతో ఊపిరి ఆడక ఇద్దరు మెయిడ్స్ ప్రాణాలు కోల్పోయినట్లు తేలింది. మెయిడ్స్ కోసం స్పాన్సరర్ ఎంతగా ఫోన్ చేసినా స్పందించకపోవడంతో, బలవంతంగా వారుంటున్న రూమ్ డోర్ పగలగొట్టగా లోపల ఇద్దరూ నిర్జీవంగా కనిపించారు. ఘటనపై విచారణ చేపడుతున్నట్లు పోలీసు అధికారులు తెలిపారు.