ఫామ్‌ని అందిపుచ్చుకోవడానికి తపిస్తున్నాడు అల్లరి నరేష్‌. అందుకే తనకు హిట్టిచ్చిన దర్శకుడితో కలసి పనిచేస్తే... మళ్లీ ఆ అదృష్టం కలిసొస్తుందేమో అని ఆశ పడుతున్నాడు. అందుకే జి.నాగేశ్వరరెడ్డితో మరోసారి జట్టు కట్టడానికి రెడీ అయ్యాడు. వీరిద్దరి కలయికలో ఇది వరకు 'సీమశాస్త్రి', 'సీమటపాకాయ్‌' చిత్రాలొచ్చాయి. రెండూ బాక్సాఫీసు దగ్గర మంచి వసూళ్లనే దక్కించుకొన్నాయి. ఇప్పుడు హ్యాట్రిక్‌ కోసం వీరిద్దరూ సిద్ధమయ్యారు. ఈ చిత్రాన్ని బివిఎస్‌ఎన్‌ ప్రసాద్‌ నిర్మిస్తారు. పూర్తి వివరాలు త్వరలో తెలుస్తాయి.