ఒమన్:వ్యక్తిగత అవసరాలు, సొంత వినియోగానికి విదేశాల నుంచి తెప్పించుకునే పుస్తకాలకు ఎలాంటి ముందస్తు అనుమతి అవసరం లేదని ఒమన్ సమాచార మంత్రిత్వ శాఖ స్పష్టం చేసింది. అయితే..పబ్లికేషన్, డిస్ట్రిబ్యూషన్ కోసం ఇంపోర్ట్ చేసుకునే పుస్తకాలకు మాత్రం మంత్రిత్వ శాఖ నుంచి ముందస్తు అనుమతి తప్పనిసరి అని కూడా క్లారిటీ ఇచ్చింది. సుల్తానేట్లోని కొన్ని షిప్పింగ్ కంపెనీలు కొన్ని తమ వినియోగదారులకు చేస్తున్న సూచనలు ఇంపోర్టెడ్ బుక్స్ పై గందరగోళాన్ని క్రియేట్ చేసిన విషయం తెలిసిందే. బుక్స్, మెడిసిన్, మొబైల్ డివైజ్లు షిప్మేట్ చేసుకునే వినియోగదారులు కొంచెం అప్రమత్తంగా ఉండాలని, ఎందుకంటే వాటి రవాణాకు మంత్రిత్వ శాఖ అనుమతి తప్పనిసరి అంటూ షిప్పింగ్ కంపెనీలు వినియోగదారులకు మెయిల్ చేశాయి. దీంతో బుక్స్ ఇంపోర్ట్ పై సోషల్ మీడియా వేదికగా పెద్ద ఎత్తున అనుమానాలు వ్యక్తం అవ్వటంతో స్పందించిన మంత్రిత్వ శాఖ సొంత వినియోగానికి ఇంపోర్ట్ చేసుకునే బుక్స్ కు ఎలాంటి అనుమతులు అవసరం లేదని క్లారిటీ ఇచ్చింది.