కువైట్ : డైరెక్ట్ ఎంట్రీకి సంబంధించి కొన్ని దేశాల పేర్లను నిషేధిత జాబితాలో కువైట్ డిజిసిఎ చేర్చిన సంగతి తెలిసిందే. అయితే, తాజాగా విడుదల చేసిన తప్పనిసరి క్వారంటైన్ నిబంధనల నేపథ్యంలో నిషేధిత దేశాల జాబితాలో మార్పులు చేర్పులు వుండొచ్చని తెలుస్తోంది. నిషేధిత జాబితా నుంచి హై రిస్క్ దేశాలుగా మార్పు చేసి, తగిన రీతిలో నిబంధనలు చేర్చే అవకాశం వుందని సమాచారం. సంబంధిత వర్గాల నుంచి ఈ మేరకు సమాచారం అందుతోంది. ఫిబ్రవరి 21 నుంచి ఈ మార్పులు అమల్లోకి వస్తాయి. తప్పనిసరిగా ప్రతి ఒక్కరూ కరోనా నిబంధనలు పాటించాల్సి వుంటుందనీ, అయితే.. నిషేధిత జాబితా సహా పలు అంశాలపై కొంత గందరగోళం నేపథ్యంలో త్వరలోనే దీనిపై స్పష్టత రానుందనీ ఆ వర్గాలు చెబుతున్నాయి.