తబుక్ మౌంటెయిన్స్ ప్రతి ఏడాదీ మంచు కురిసే సమయంలో ప్రధాన పర్యాటక కేంద్రాలుగా మారుతుంటాయి. మంచుతో కప్పబడి వున్న ప్రకృతి సోయగాల్ని తిలకించేందుకు సందర్శకులు సౌదీ నలు మూలల నుంచీ వస్తుంటారు. అయితే, ఈసారి కరోనా నేపథ్యంలో కొన్ని ఆంక్షలు అమల్లో వుండడంతో సందర్శకుల సంఖ్య కాస్త తక్కువగానే వుంటోంది. మరోపక్క, తబుక్ మౌంటెయిన్స్ అందాలు సోషల్ మీడియాలో ఫొటోలు, వీడియోల రూపంలో దర్శనమిస్తున్నాయి. ఇతర దేశాల నుంచి కూడా సందర్శకులు ఈ మంచు సోయగాల్ని చూసి మైమర్చిపోతుంటారు. వాతావరణ శాఖ నిపుణులు చెబుతున్నదాన్ని బట్టి రానున్న రోజుల్లో ఉష్ణోగ్రతలు మరింత తగ్గనున్నాయనీ, మంచు మరింత ఎక్కువగా కురిసే అవకాశం వుందనీ తెలుస్తోంది