సౌదీ అరేబియా : రెస్టారెంట్లు, కేఫ్‌లు, హైపర్ మార్కెట్లు, మాల్స్‌లలో ఉద్యోగాలను స్థానికులకు మాత్రమే కల్పించేలా చర్యలు తీసుకోనున్నట్లు మినిస్టర్ ఆఫ్ హ్యూమన్ రిసోర్సెస్ అండ్ సోషల్ డెవలప్‌మెంట్ అహ్మద్ అల్ రాజి వెల్లడించారు. జనవరిలో కొత్తగా లేబర్ మార్కెట్‌లోకి అడుగు పెట్టిన సౌదీ యువత (యువకులు, యువతులు) 28,000 దాటింది. అన్ని సెక్టార్లలో, యాక్టివిటీస్ అలాగే ప్రొఫెషన్స్‌లో లోకలైజేషన్ దిశగా చర్యలు చేపడుతున్నామని అన్నారు. లీగల్ మరియు ఎడ్యుకేషనల్ విభాగాల్లో కూడా లోకలైజేషన్ చేపట్టనున్నట్లు వివరించారు. 2019-20లో అనుకున్న లక్ష్యాల్ని సాధించగలిగామనీ, 420,000 మంది సౌదీలకు ఆయా రంగాల్లో అవకాశాలు కల్పించామని మినిస్టర్ పేర్కొన్నారు.