బహ్రెయిన్‌ నాయకత్వం, కువైటీ నాయకత్వానికి 'నేషనల్‌ డే' శుభాకాంక్షలు తెలిపింది. ఈ మేరకు ఓ సందేశాని బహ్రెయిన్‌, కువైట్‌కి పంపింది. కింగ్‌ హమాద్‌ బిన్‌ ఇసా అల్‌ ఖలీఫా, కువైట్‌ అమీర్‌ షేక్‌ సబా అల్‌ అహ్మద్‌ అల్‌ జబీర్‌ అల్‌ సబా ఆరోగ్యంగా ఉండాలని ఈ సందేశంలో బహ్రెయిన్‌ పేర్కొంది. ఇరు దేశాల మధ్యా చారిత్రక బంధం కొనసాగాలని బహ్రెయిన్‌ ఆకాంక్షించింది. కువైట్‌ క్రౌన్‌ ప్రిన్స్‌ షేక్‌ నవాఫ్‌ అల్‌ అహ్మద్‌ అల్‌ జబీర్‌ అల్‌ సబా మరియు ప్రైమ్‌ మినిస్టర్‌ జబీర్‌ అల్‌ ముబారక్‌ అల్‌ హమాద్‌ అల్‌ సబాలకు కూడా ఇదే సందేశం పంపడం జరిగింది. క్రౌన్‌ ప్రిన్స్‌, డిప్యూటీ సుప్రీం కమాండర్‌ మరియు ఫస్ట్‌ డిప్యూటీ ప్రైమ్‌ మినిస్టర్‌, ప్రిన్స్‌ సల్మాన్‌ బిన్‌ హమాద్‌ అల్‌ ఖలీఫా కూడా కువైట్‌ అమీర్‌ షేక్‌ సబా, కువైట్‌ క్రౌన్‌ ప్రిన్స్‌లకు శుభాకాంక్షలు తెలియజేశారు.