కువైట్ సిటీ:కువైట్ మున్సిపాలిటీ పరిధిలోని ప్రైవేట్ బీచులలో ఈతకు అనుమతి తెలిపే అవకాశాలున్నట్లు కనిపిస్తోంది. సముద్ర తీర ప్రాంతాల్లోని పలు ప్రైవేట్ బీచుల్లో స్విమ్మింగ్ పర్మిషన్ కు సంబంధించి తాము యోచిస్తున్నట్లు మున్సిపాలిటీ డైరెక్టర్ జనరల్ అహ్మద్ అల్ మన్ఫుహి తెలిపారు. అయితే..ప్రైవేట్ ఇళ్ల నిర్మాణం అనుమతి అంశాన్ని మాత్రం ఆయన తిరస్కరించారు. ప్రైవేట్ ప్రాంతాల్లో హౌసింగ్ ప్రాజెక్టులకు పర్మిషన్ ఇచ్చే ఉద్దేశ్యం తమకు లేదని అల్ మన్ఫుహి స్పష్టం చేశారు. హౌసింగ్ ప్రాజెక్టులకు అనుమతులు ఇవ్వటం ద్వారా జనాభా పెరుగుదల ఉంటుందని, దీంతో విద్యుత్, నీటి సేవలపై ఒత్తిడి పెరుగుతుందని అభిప్రాయపడ్డారు. అలాగే ట్రాఫిక్ రద్దీ కూడా పెరుగుతుందన్నారు.