దోహా:సినిమా రేంజ్ లో స్మగ్లింగ్ కు ప్లాన్ చేసి అడ్డంగా బుక్కైపోయారు స్మగ్లర్లు.గంజాయి, ట్రామాడోల్ పిల్స్ ను కడుపులో దాచుకొని ఖతార్లోకి ఎంటరయ్యేందుకు ప్లాన్ చేశారు. కానీ, హమద్ ఇంటర్నేషనల్ ఎయిర్ పోర్ట్ లో దొరికిపోయారు. అనుమానస్పదంగా కనిపించటంతో ఎయిర్ పోర్ట్ కస్టమ్స్ అధికారులు స్మగ్లర్లను క్షణ్ణంగా తనిఖీ చేశారు. బాడీ మొత్తం స్కాన్ చేసి చెక్ చేశారు. దీంతో కడుపులో పోట్లాలుగా కట్టిన పిల్స్ ఉన్నట్లు గుర్తించారు. మొత్తం 48.3 గ్రాములు గంజాయి పిల్స్, 9 ట్రామాడోల్ నార్కోటిక్ పిల్స్ ను గుర్తించినట్లు అధికారులు వెల్లడించారు. మాదకద్రవ్యాలు, నిషేధిత ఉత్ప్రేరకాలను దేశంలోకి స్మగ్లింగ్ చేయాలని చూస్తే సహించేది లేదని అధికారులు హెచ్చరించారు.