న్యూఢిల్లీ:IPL‌ 14వ సీజన్‌ ఈ ఏడాది ఏప్రిల్‌ 9న ప్రారంభమై మే 30తో ముగుస్తుందని సమాచారం.ఈ విషయాన్ని బీసీసీఐకి చెందిన ఓ సీనియర్‌ అధికారి శనివారం వెల్లడించారు. మార్చి 28న జరిగే మూడో వన్డేతో భారత్‌, ఇంగ్లండ్‌ మధ్య సిరీస్‌లు ముగియనున్నాయి.ఆ మ్యాచ్‌ అనంతరం సరిగ్గా 12 రోజుల తర్వాత ఐపీఎల్‌కు బీసీసీఐ ప్రణాళిక రచించింది.అయితే IPL షెడ్యూల్‌, వేదికలకు వచ్చే వారం జరిగే పాలకమండలి సమావేశంలో ఆమోదముద్ర లభించనుందని ఆ అధికారి చెప్పారు.మరోవైపు చెన్నై, కోల్‌కతా, బెంగళూరు,ఢిల్లీ, అహ్మదాబాద్‌లో ఐపీఎల్‌ మ్యాచ్‌లు నిర్వహించాలని బీసీసీఐ భావిస్తుండగా..ముంబై విషయంలో సందిగ్ధత నెలకొంది.దీంతో హైదరాబాద్‌ కూడా పోటీలోకి వచ్చే అవకాశాలు కనిపిస్తున్నాయి.