మస్కట్:ఫైనాన్షియల్ కార్డుల ఫోర్జరీకి పాల్పడితే 10,000 ఒమన్ రియాల్స్ జరీమానా, ఆరు నెలల జైలు శిక్ష పడే అవకాశం వుంది. ఈ మేరకు పబ్లిక్ ప్రాసిక్యూషన్ ఓ ప్రకటన చేసింది. ఏ రూపంలో ఫైనాన్షియల్ కార్డుల ఫోర్జింగ్‌కి పాల్పడినా, అంటే కొత్తగా పరికరాలు తయారు చేసి ఫోర్జింగ్ చేసినా, ఇంకే విధంగా అయినా ఫోర్జరీ చేసినా శిక్ష, జరీమానా తప్పదు. సున్నితమైన సమాచారాన్ని ఫైనాన్షియల్ కార్డుల నుంచి తస్కరించడం చట్ట రీత్యా నేరం. జైలు శిక్ష లేదా జరీమానా, లేదంటే జైలు శిక్షతోపాటు జరీమానా దోషులకు తప్పదని పబ్లిక్ ప్రాసిక్యూషన్ స్పష్టం చేసింది.