హైదరాబాద్: తెలంగాణాలో కరోనా పాజిటివ్ కేసులు మళ్లీ పెరుగుతున్నాయి.. తెలంగాణ వైద్య ఆరోగ్యశాఖ విడుదల చేసిన తాజా కరోనా బులెటిన్ ప్రకారం.. గత 24 గంటల్లో రాష్ట్రవ్యాప్తంగా 189 కొత్త పాజిటివ్ కేసులు నమోదు అయ్యాయి.. మరో ఇద్దరు కరోనాతో మృతిచెందారు.. ఇదే సమయంలో 176 మంది కరోనా బాధితులు కోలుకున్నట్టు బులెటిన్‌లో పేర్కొంది సర్కార్.. దీంతో.. పాజిటివ్ కేసుల సంఖ్య 3,00,342కు చేరగా.. రికవరీ కేసులు 2,96,916కు పెరిగాయి.. మరోవైపు.. ఇప్పటి వరకు కరోనాబారినపడి 1646 మంది మృతిచెందారు.. రికవరీ రేటు దేశంలో 96.9 శాతంగా ఉంటే.. రాష్ట్రంలో 98.85 శాతంగా ఉందని సర్కార్ చెబుతోంది.. ప్రస్తుతం రాష్ట్రంలో 1,780 యాక్టివ్ కేసులు ఉండగా.. అందులో 693 మంది హోం క్వారంటైన్‌లోనే ఉన్నారు.. ఇక, నిన్న ఒకే రోజు 39,000 కరోనా నిర్ధారణ పరీక్షలు నిర్వహించగా.. ఇప్పటి వరకు నిర్వహించిన కోవిడ్ టెస్ట్‌ల సంఖ్య 90,55,741కు పెరిగింది. 

--హరి(మాగల్ఫ్ ప్రతినిధి,తెలంగాణ)