కువైట్: అసలే కోవిడ్ వైరస్ తీవ్రతతో ఆందోళన చెందుతున్న కువైట్ కు మరో సవాల్ ఎదురైంది. దేశంలోని కొన్ని పౌల్ట్రీ ఫామ్ లలో బర్డ్ ఫ్లూ వైరస్ ను గుర్తించినట్లు వ్యవసాయ, మత్స్య పరిశ్రమ వ్యవహారాల మంత్రిత్వ శాఖ అధికారులు వెల్లడించారు. వైరస్ మరింతగా విస్తరించకుండా ఉండేందుకు తగిన చర్యలు చేపట్టామని, ఇందుకోసం అత్యవసర ప్రణాళికను అమలు చేస్తున్నట్లు వివరించారు. వైరస్ కట్టడికి దేశీయ విధానాలతో పాటు..విదేశీ నిపుణుల సాయం కూడా తీసుకుంటున్నట్లు తెలిపారు.