హైదరాబాద్:తెలంగాణలో కరోనా కేసులు భారీగా పెరుగుతున్నాయి.తాజా కరోనా బులెటిన్‌ ప్రకారం..గత 24 గంటల్లో రాష్ట్ర వ్యాప్తంగా 216 పాజిటివ్ కేసులు నమోదవగా...ఇద్దరు మరణించారు.అదే సమయంలో 168 మంది కరోనా బాధితులు పూర్తిస్థాయిలో కోలుకున్నారు. ఇక మొత్తం పాజిటివ్‌ కేసుల సంఖ్య 3,00,933 కు చేరుకోగా.. 2,97,363 మంది రికవరీ అయ్యారు.. ఇక, ఇప్పటి వరకు 1652 మంది మృతి చెందారు.దేశవ్యాప్తంగా కరోనా రికవరీ శాతం 96.8 శాతంగా ఉంటే..రాష్ట్రంలో 98.82 శాతంగా ఉందని బులెటిన్‌లో పేర్కొంది సర్కార్. ప్రస్తుతం 1,918  యాక్టివ్‌ కేసులు ఉండగా..అందులో 749మంది హోం ఐసోలేషన్‌లో ఉన్నారు.నిన్న ఒక్క రోజే రాష్ట్రవ్యాప్తంగా 34,482 శాంపిల్స్ టెస్ట్‌ చేశామని..ఇప్పటి వరకు నిర్వహించిన టెస్ట్‌ల సంఖ్య 91,49,467కు చేరిందని బులెటిన్‌లో పేర్కొన్నారు అధికారులు.

--హరి(మాగల్ఫ్ ప్రతినిధి,తెలంగాణ)