ఛేదనలో తేలిపోయిన లంకేయులు పోరాట పటిమతో ఆకట్టుకున్న బంగ్లాదేశ్‌ మీర్పూర్‌: ఆసియా కప్‌లో బంగ్లాదేశ్‌ సంచలనం మొదలైంది. తన కంటే బలమైన శ్రీలంకను 23 పరుగుల తేడాతో మట్టికరిపించి వరుసగా రెండో విజయం ఖాతాలో వేసుకుంది. తొలుత బ్యాటింగ్‌ చేసిన బంగ్లాదేశ్‌ జట్టులో షబ్బీర్‌ రెహ్మాన్‌ (80: 54 బంతుల్లో 10×4, 3×6) మెరుపు ఇన్నింగ్స్‌ ఆడటంతో ఆ జట్టు 20 ఓవర్లలో 7 వికెట్లు కోల్పోయి 147 పరుగులు చేసింది. లక్ష్య ఛేదనలో ఓపెనర్‌ చండిమాల్‌ (37), షెనాన్‌ జయసూర్య (26) రాణించడంతో లంక ఒకానొక దశలో 76/2తో నిలిచి సునాయాసంగా విజయం సాధించేలా కనిపించింది.