సౌదీ: కోవిడ్ కేసులు పెరుగుతుండటంతో కింగ్డమ్ లో వ్యాక్సినేషన్ కోసం ఎక్కువ సంఖ్యలో జనం ముందుకు వస్తున్నారు. దీంతో వ్యాక్సిన్ కేంద్రాలకు జనం తాకిడి రోజుకు రోజుకి పెరిగిపోతోంది. ఈ డిమాండ్ ను తట్టుకునేందుకు రియాద్ లోని వ్యాక్సిన్ సెంటర్ లో 24 గంటల పాటు వ్యాక్సిన్ ఇవ్వాలని సౌదీ అరేబియా ఆరోగ్య మంత్రిత్వ శాఖ నిర్ణయించింది. ఈ మేరకు ప్రకటన విడుదల చేసింది. వ్యాక్సిన్ తీసుకోవాలనుకునేవారు మంత్రిత్వ శాఖకు చెందిన అధికారిక యాప్ సెహతి ద్వారా ముందస్తుగా రిజిస్టర్ చేసుకోవాలని అధికారులు సూచించారు.