అడివి శేష్ హీరోగా హిట్-2...పోస్టర్ విడుదల

అడివి శేష్ హీరోగా హిట్-2...పోస్టర్ విడుదల

హైదరాబాద్:క్రైమ్ ఇన్వెస్టిగేషన్ థ్రిల్లర్ గా రూపొందిన'హిట్‌' చిత్రం విమ‌ర్శ‌కుల ప్ర‌శంస‌లు పొందడమే కాకుండా బంపర్‌ విజయాన్ని సొంతం చేసుకున్న విషయం తెలిసిందే.ఈ మూవీతో విశ్వక్‌సేన్‌కు కూడా మంచి క్రేజ్‌ వచ్చింది.ఇక న‌టుడిగాను, నిర్మాత‌గాను దూసుకెళుతున్న నాని.. ఈ మూవీకి నిర్మించగా.. శైలేష్‌ కొలను దర్శకత్వం వహించాడు.అయితే..హిట్‌ మూవీ మంచి విజయం సాధించిన తర్వాత దానికి సీక్వెల్‌ ఎప్పుడు వస్తుందా అని అందరూ ఎదురు చూశారు. అయితే.. తాజాగా దీనిపై అదిరిపోయే అప్డేట్‌ వచ్చింది.అవును హిట్‌-2 వస్తోంది. కానీ ఈ మూవీలో విశ్వక్‌ సేన్‌కు బదులుగా అడవి శేష్‌ నటిస్తున్నాడు.అంతేకాదు దీనికి సంబంధించిన ఫస్ట్‌ లుక్‌ పోస్టర్‌ కూడా ఇవాళ రిలీజ్‌ అయింది.ఈ పోస్టర్‌ అడవి శేష్‌.. ట్విట్టర్‌ వేదికగా రిలీజ్‌ చేశారు. త్వరలోనే ఈ మూవీ షూటింగ్‌ ప్రారంభకానుందని సమాచారం. హిట్‌ 1 తెలంగాణ నేపథ్యంలో సాగగా.. హిట్‌-2 ఆంధ్రప్రదేశ్‌ నేపథ్యంలో సాగనుందట. అయితే.. ఈ మూవీలో హీరోయిన్‌గా మీనాక్షి చౌదరి నటించనుంది. త్వరలోనే ఈ మూవీ గురించి పూర్తి వివరాలు తెలియనున్నాయి.  

Back to Top