న్యూఢిల్లీ: ప్రముఖ ఎలక్ట్రానిక్స్‌ ఉత్పత్తుల కంపెనీ ఎల్‌జి ఇకపై మొబైల్‌ ఫోన్ల వ్యాపారానికి స్వస్తి పలకాలని నిర్ణయించినట్టు సమాచారం. తీవ్ర నష్టాలతో కొట్టిమిట్టాడుతున్న ఎల్‌జి ఫోన్‌ వ్యాపారాన్ని కొనుగోలు చేసేందుకు ఇప్పటికే జర్మనీకి చెందిన వోక్స్‌ వాగన్‌ ఎజి, వియత్నాం కంపెనీ విన్‌గ్రూప్‌ జెఎస్‌సి సహా రెండు పెద్ద కంపెనీలు ఆసక్తి కనబర్చాయి. ఇక ఇప్పుడు మరిన్ని కంపెనీల కోసం వేచి చూసేబదులు సాధ్యమైనంత త్వరగా ఫోన్‌ బిజినెస్‌కు ముగింపు పలకనున్నట్లు ఎల్‌జి ఎలక్ట్రానిక్స్‌ సిఇఒ క్వాన్‌ బాంగ్‌ సియోక్‌ తమ ఉద్యోగులకు ఇప్పటికే లేఖ రాసినట్టు సమాచారం.